Agile ဆိုတာဘာလဲ

Agile က Software Development တွေမှာ အဓိကသုံးတဲ့ နည်းစနစ်ဖြစ်ပြီး၊ Develop လုပ်နေတဲ့ ကာလတောက်လျှောက်မှာ Requirements အပြောင်းအလဲတွေကို ကောင်းကောင်းလက်ခံနိုင်တဲ့ နည်းစနစ်ဖြစ်တာကြောင့် အလွန်အသုံးများလာကြပါတယ်။ Project Management အတွက် Agile ကို တွင်တွင်ကျယ်ကျယ်သုံးလာတာနဲ့ အမျှ Project Manager, Product Manager, Scrum Master, Business Owner, Delivery Manager နဲ့ Software Engineers တွေပါ Agile အကြောင်းကို လေ့လာဖို့လိုအပ်လာပါတယ်။ ဒါကြောင့် ဒီဆောင်းပါးမှာ Agile နဲ့ပတ်သက်ပြီး မိတ်ဆက် ပြောပြသွားပါမယ်။

Agile ဆိုတာဘာလဲ

Agile ဆိုတာ Software Industry မှာ Product (သို့) Service တစ်ခုကို Customer ဆီကို အစောဆုံးနဲ့ စဥ်ဆက်မပြတ် ထုတ်ပေးနိုင်ဖို့ အသုံးပြုတဲ့ နည်းစနစ်ဖြစ်ပါတယ်။ Agile နည်းက မြန်ဆန်ပေ့ါပါးပြီး အပြောင်းအလဲတွေကို လိုက်လျောညီထွေ လက်ခံနိုင်တဲ့ နည်းစနစ်ဖြစ်တာကြောင့်၊ Market လိုအပ်ချက်၊ Customer လိုအပ်ချက်တွေနဲ့အညီ Product ကို အချိန်မီ ထုတ်ပေးနိုင်စေပါတယ်။ Product တစ်ခုလုံးကို အစ-အဆုံး ပြီးအောင် တည်ဆောက်ပြီးမှ Customer ကို ပေးသုံးတာမဟုတ်ပဲ… Customer ရဲ့ လိုအပ်ချက်ပေါ်မူတည်ပြီး Feature တွေကို ထပ်ခါထပ်ခါ (Iterative)...  ထပ်တိုး (Incremental) ထုတ်ပေးသွားနိုင်ဖို့ရာ Agile ကို အသုံးပြုကြပါတယ်။

Agile နည်းမှာ “One Bite at A Time” စကားရပ်အတိုင်း တစ်ကြိမ်မှာ ကိုယ့် Team က Develop လုပ်နိုင်မယ့် ပမာဏကို သတ်မှတ်၊ Develop လုပ်ပြီး၊ Customer ဆီကို ထုတ်ပေးပါတယ်။

အရင်က Software Development အတွက် အစဥ်အလာအတိုင်း Waterfall Model ကို လက်ခံသုံးစွဲခဲ့ကြပါတယ်။ အခုနောက်ပိုင်းတော့ ပေ့ါပါးမြန်ဆန်ပြီး ပြင်လွယ်ပြောင်းလွယ်ရှိတဲ့ Agile နည်း ကို ပိုမိုတွင်တွင်ကျယ်ကျယ် အသုံးပြုလာကြပါတယ်။
Agile နဲ့ နည်းလမ်းဟောင်း Waterfall Model ကွာခြားချက်တွေကို အကျဥ်းချုံး ဖော်ပြပါမယ်။

Agile vs Waterfall

Agile မှာ

• Project (သို့) Product တစ်ခုလုံးစာ အစ-အဆုံး အသေသတ်မှတ်ထားတဲ့ Requirement တွေ Timeline တွေ မရှိပါဘူး။
• စဥ်ဆက်မပြတ် Develop လုပ်ပြီး Customer ကို ထပ်တလဲလဲ ထုတ်ပေးတဲ့ (Iterative and Incremental) နည်းနဲ့ အလုပ်လုပ်ပါတယ်။
• Customer Feedback တွေကို ပုံမှန်ရယူပြီး ရှေ့ဆက် Development တွေမှာ Improve လုပ်သွားနိုင်တယ်။
• Develop လုပ်နေစဥ်မှာ Business အတွက် အပြောင်းအလဲတွေကို အချိန်မီ လိုက်လျောညီထွေ လက်ခံပြောင်းလဲနိုင်ပါတယ်။

Waterfall Model မှာ

• ကြိုတင်သတ်မှတ်ထားတဲ့ Fixed Requirement နဲ့ Timeline အတိုင်းအလုပ်လုပ်တယ်။
• တစ်ဆင့်ပြီးမြောက်မှ နောက်တစ်ဆင့်ကို လုပ်ဆောင်ပါတယ်။
• Development လုံးဝ ပြီးသွားမှ Deliver လုပ်တာမို့၊ Project မတိုင်ခင်နဲ့ အပြီးမှာသာ Customer က ပါဝင်မှုရှိပါတယ်။ အစ-အဆုံး ပြီးမှ Customer Feedback ကိုရတာ ဖြစ်ပါတယ်။
• Project ကို စလိုက်ပြီးတာနဲ့ လမ်းတဝက်မှာ Requirement အပြောင်းအလဲဖြစ်ရင် ပြင်လို့မလွယ်တာကြောင့် Timeline တစ်ခုလုံးကို အကျိုးသက်ရောက်မှုရှိပါတယ်။
• အချိန်ယူ Develop လုပ်ပြီးမှ Market နဲ့ Customer တွေရဲ့ လိုအပ်ချက်နဲ့မကိုက်ရင် Business အတွက် ဆုံးရှုံးမှုများပါတယ်။

Agile ကို ဘာလို့ အသုံးများလာတာလဲ

ဒီနေ့ခေတ်မှာ ဘယ်စီးပွားရေးမဆို ပြုပြင်ပြောင်းလဲဖို့ ခက်ခဲလို့ မရတော့ပါဘူး၊ Market Trend နောက် မြန်မြန်ဆန်ဆန် မလိုက်နိုင်လို့မရတော့ပါဘူး၊ ပြောင်းလဲလာတဲ့ Customer Demend တွေကို အချိန်နဲ့တပြေးညီ ထည့်မစဥ်းစားလို့ မရတော့ပါဘူး။ အဲ့ဒီအချက်တွေအတွက် Agile က အကောင်းဆုံးနည်းလမ်းဖြစ်လို့ Agile ကို လက်ခံသုံးစွဲလာကြတာပါ။

Waterfall နဲ့ ခြားနာစွာပဲ Agile က လိုအပ်တဲ့ အပြောင်းအလဲတွေကို Business အတွက် ဆုံးရှုံးမှုမရှိအောင် အချိန်မီ လက်ခံပြောင်းလဲ Develop လုပ်ပေးနိုင်ပါတယ်။ ဒါ့အပြင် Agile Culture က Team ကို အာရုံစိုက်ပြီး၊ Product Team နဲ့ Customer တွေရဲ့ ဆက်သွယ်မှုကို အာရုံစိုက်ပါတယ်။ Customer အတွက် အသုံးတည့်တဲ့ Solution တွေ ထုတ်ပေးဖို့ကို Documentation တွေထိုင်ရေးဖို့ထပ် ပို အလေးထားပါတယ်။ ဒီအချက်တွေကပဲ Agile ကို ပိုမိုအသုံးများလာစေတာဖြစ်ပါတယ်။ နောက်ပိုင်းမှာ Software Industry တင်မကပဲ အခြား Industry တွေမှာလည်း Agile ကို လက်ခံအသုံးပြုလာကြပါတယ်။

Agile မှာ အသုံးများတဲ့ Framework များ

Agile က Agile နည်းဥပဒေနဲ့ ကိုက်ညီတဲ့ Framework တွေ၊ Methodologies တွေအတွက် ဘုံသတ်မှတ်ထားတဲ့ အခေါ်အဝေါ် (Umbrella Term) တစ်ခုလည်းဖြစ်ပါတယ်။ ဒါကြောင့် Agile အတွက် အသုံးပြုလို့ရတဲ့ Framework တွေ အမျိုးမျိုးရှိပြီး အသုံးများတာတွေက -

• Scrum
• XP (Extreme Programming)
• Kanban
• Lean
• DSDM (Dynamic systems development method)

စတဲ့ Framework တွေဖြစ်ပါတယ်။

Scrum Framework ကတော့ အသုံးအတွင်ကျယ်ဆုံး Framework လို့ ပြောလို့ရပါတယ်။ မြန်မာနိုင်ငံမှာလည်း Agile ကို Scrum နဲ့ အသုံးပြုတဲ့ Organization တွေ များစွာတွေ့ရပါတယ်။ Scrum Framework အကြောင်းကို နောက်ထပ်ဆောင်းပါးမှာ အသေးစိတ် သီးသန့်ထပ်ရေးထားပါတယ်။

နောက်ဆုံးအနေနဲ့ ဖြည့်စွက်ပြောချင်တာက Agile ကို Scrum, Kanban စသဖြင့် ဘယ် Process Framework နဲ့ပဲ သုံးသုံး Agile Manifesto မှာပါတဲ့ နည်းဥပဒေတွေကို လိုက်နာလုပ်ဆောင်ဖို့ လိုအပ်ပါတယ်။ မဟုတ်ရင် Scrum သုံးနေရုံနဲ့လည်း Agile မဖြစ်ပါဘူး။ ကျွန်တော်ကိုယ်တိုင်လည်း Waterfall နဲ့ အသားကျနေတဲ့ Organization တွေမှာ… မပြည့်စုံတဲ့ ထော့ကျိုး Agile တွေ၊ ခြေတစ်ချောင်းထောက် Scrum တွေ Run ခဲ့တဲ့ အတွေ့အကြုံရှိဖူးတာမို့၊ Agile ရဲ့ ကောင်းကျိုးတွေ မိမိ Product မှာ များများရဖို့ တတ်နိုင်သလောက် Agile နည်းကျသင့်တာကို သတိထားဖို့ အကြံပြုပါရေစ။ Agile နည်းဥပဒေ ၁၂ ချက် ကိုတော့ Agile Manifesto Website မှာ မြန်မာလို လေ့လာနိုင်ပါတယ်။

နောက်ထပ် ဖတ်ချင်တဲ့ Topic တွေရှိရင်လည်း ဒီ Google Form ကနေတဆင့် အကြံပေးနိုင်ပါတယ်။ ProductBaze မှ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ ProductBaze အကြောင်း (၁) မိနစ်စာ မိတ်ဆက် post လေးကို ဒီ link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။

Follow us on Facebook and Linkedin for latest updates.