Product Manager နဲ့ Project Manager ဘယ်လိုကွာလဲ

အတိုချုံးပြောရရင်တော့ Product Manager က Product တစ်ခု Market ထဲမှာ အောင်မြင်အောင် တာဝန်ယူရသူဖြစ်ပြီး၊ Project Manager ကတော့ အဲ့ Product တစ်ခု လုပ်ဖို့ လိုအပ်တဲ့ activities (or) projects တွေအောင်မြင်အောင် တာဝန်ယူရသူဖြစ်တယ်။ Product Manager တစ်ယောက် အတွက် အောင်မြင်မှုကို KPI (Key Performance Indicators) (သို့) Product Metrics တွေနဲ့ တိုင်းတာနိုင်ပြီး၊ Project Manager အတွက် အောင်မြင်မှုကို Project ရဲ့ Timeline တွေ၊ Budget အနေအထားတွေနဲ့ တိုင်းတာလေ့ရှိကြတယ်။

ဆိုတော့...Product Manager နဲ့ Project Manager ဘယ်လိုကွာလဲ....
ဒီ Role နှစ်ခုက သီးခြားစီ ရပ်တည်နေတဲ့ Role တွေလို့တော့ ပြောလို့မရဘူး။ Product Manager အနေနဲ့ Project Management Skills တွေရှိထားသင့်သလို… Project Manager အနေနဲ့လည်း Vice Versa ပဲ။

ကိုယ်တွေ့ဖြစ်ရပ်တစ်ခုကို ပြောရရင် ကျွန်တော် Company တစ်ခုမှာလုပ်တုန်းက Management Level ကို Feature အသစ် အကြောင်း၊ အဲ့ Feature က Company နဲ့ Customers တွေကို ဘယ်လို အထောက်အကူဖြစ်ကြောင်း Presentation လုပ်ပြရတယ်။ Presentation ကတော့ Success ပေါ့၊ ဒါပေမယ့် Chief တစ်ယောက်ဆီကနေ ရုတ်တရက် “Tech Team ဘက်ကနေ ဘယ်လောက်မြန်မြန် Deliver လုပ်ပေးနိုင်သလဲ” ဆိုပြီး မေးခွန်းတစ်ခုလာတယ်။ ကျွန်တော်ကတော့ ကိုယ့် Feature ရဲ့ Product Management ဘက်ပဲ Focus လုပ်နေတော့ Timeline တွေ၊ Development တွေကို ရုတ်တရက် ပြန်ဖြေဖို့ အသင့်မဖြစ်နေဘူး။ Morale of the story အနေနဲ့ အဲ့ဒီအချိန် Project Management ဘက်ပါ အာရုံစိုက်မိရင်တော့ ဒီမေးခွန်းအတွက် ပြင်ဆင်လာမိမှာလို့ ​တွေးမိတာပါပဲ။ Product သမားနဲ့ Project သမားရဲ့ Focus ထားစရာ မတူညီတာကို သတိထားမိသွားတယ်။

ဒါဆို...Product Manager နဲ့ Project Manager အကြောင်းကို နဲနဲ လေ့လာရအောင်။

Project ဆိုတာက Product (သို့) Service တစ်ခုကို ဖန်တီးရတဲ့ process (or) activities တစ်ခုဖြစ်တယ်။ Project တစ်ခုမှာ စတဲ့ရက် (Starting Date) နဲ့ ဆုံးတဲ့ရက် (Ending Date) တွေ ရှိမယ်။ ပြီးရင် နောက်ထပ် Project တစ်ခုပြီးတစ်ခု ဆက်သွားမယ်။ Project Manager က အဲ့ ​Projects တွေရဲ့ Timeline တွေ၊ အဲ့ Project မှာပါဝင်မယ့် Resources တွေ၊ Project ထဲပါမယ့် Stakeholders တွေရဲ့ အချင်းချင်း Communication၊ Collaboration တွေကို ဦးဆောင်ဖြေရှင်းရသူပါ။ နေ့စဥ် Team Members တွေနဲ့ပြောဆိုပြီး Project အတွက် blockers တွေ၊ မမြင်နိုင်တဲ့ surprise တွေကို ခက်သွက်သွက် ဖယ်ရှားရသူလည်းဖြစ်တယ်။ အဓိက ကိုင်တွယ်ရတာက Project Timeline ဆိုလည်းမမှားဘူး။ Project က ထင်ထားတဲ့ အတိုင်လည်း မပြီးနိုင်ဘူး Perform လည်း ကောင်းကောင်း မလုပ်နိုင်တော့ဘူး ဆိုရင် Team ကို motivate လုပ်၊ မလိုအပ်တဲ့ Risk တွေကို လျှော့ချနိုင်သလောက် လျှော့ချ၊ Urgent Decision တွေ မြန်မြန်သွက်သွက်ချ၊ Task အသစ် တွေ ထပ်ခွဲ၊ နောက်ဆုံးမှာ Project Timeline ပေါ် ပြန်ရောက်အောင် ဆွဲတင် ပေးရပါတယ်။ Project Manager ရဲ့ အောင်မြင်မှုကိုတိုင်းတာရရင် ပေးထားတဲ့ Timeline နဲ့ Budget ထဲမှာ Project ပြီးမြောက်နိုင်မှုဖြစ်ပါတယ်။

Product က မိမိ Customer တွေရဲ့ ပြဿနာတွေ၊ Market Demand တွေကို ဖြေရှင်းပေးရတဲ့ System တစ်ခုဖြစ်ပါတယ်။ Product တစ်ခုဟာ Company ရဲ့ Growth (သို့) Value ကို အထောက်အပံ့ပေးနိုင်ရပါတယ်။ Product Manager အနေနဲ့ မိမိ Product အောင်မြင်မှုမှာ အခရာ ကျတာကြောင့်လည်း “CEO of the Product” ဆိုပြီး ရည်ညွှန်းချင်း ခံကြရတယ်။ နေ့စဥ် Customer တွေရဲ့ အခက်အခဲတွေကို နားထောင်ပြီး Product Team နဲ့အတူ brainstorm လုပ်ကာ ထိုအခက်အခဲတွေကို တစ်ဆင့် ပြီးတစ်ဆင့် ဖြေရှင်းပေးရပါတယ်။ Product အောင်မြင်မှုကို KPI တွေ Metrics တွေ သတ်မှတ်ပြီး တိုင်းတာကြသလို အရိုးအရှင်းဆုံး ပြောရရင် မိမိ Product က မိမိ Customer တွေရဲ့ Pain Point တွေကို ဖြေရှင်းနိုင်သလား၊ Market Demand ကို ဖြည့်စွက်နိုင်သလား၊ Product-Market-Fit ဖြစ်သလားကို တိုင်းတာလေ့ရှိတယ်။ Project Manager ဓလေ့နဲ့ မတူတာကတော့ Project တစ်ခုပြီးတာနဲ့ Task အလုံးစုံ ပြီးတာမဟုတ်ဘဲ အမြဲတမ်း တိုင်းတာ၊ သင်ယူပြီးတော့ Iteration ပုံစံနဲ့ ဆက်သွားရပါတယ်။

အဲ့တော့ Product Manager နဲ့ Project Manager ရဲ့ main responsibilities တချို့ကို ခွဲခြမ်းကြည့်ရအောင်။

Product Manager အနေနဲ့ …
၁။ Product Vision ကို ဖွင့်ဆိုပေးခြင်း၊ Company Vision နှင့် Align လုပ်ပေးခြင်း။
၂။ Customer Requirements တွေယူပြီး Product Features တွေကို Prioritize လုပ်ပေးခြင်း။
၃။ Sales, Operations နှင့် Marketing Team တို့နဲ့ တူတူ Customer Satisfaction ရအောင် လုပ်ဆောင်ခြင်းတို့ဖြစ်တယ်။

Project Manager အနေနဲ့…
၁။ Project ကို လိုချင်တဲ့ Scope နဲ့ Budget ထဲ ဝင်အောင် Plan ခြင်း။
၂။ Team Member တွေ Blockers မရှိအောင် ဖယ်ရှားပေးခြင်း။
၃။ Project ကို Risk နဲနဲနှင့် Timeline အတိုင်း အချိန်မှီအောင် Deliver လုပ်ပေးခြင်းတို့ဖြစ်ပါတယ်။

အဲ့တော့ စိတ်ဝင်စားစရာ မေးခွန်းတစ်ခုက...Product Management နဲ့ Project Management ကို တစ်ယောက်တည်းက လုပ်လို့ရသလားပေါ့။
တစ်ယောက်တည်းလုပ်ရင်ကော...ဘယ်အပိုင်းတွေမှာ အားနည်းသွားနိုင်လဲ?

၁။ Focus တွေပျောက်လာနိုင်ခြင်း

Product Manager က External Stakeholders တွေ ကို handle လုပ်ပြီး၊ Project Manager က Internal ကို အဓိကထား handle လုပ်ရပါတယ်။ Product Manager က Customers တွေအခက်အခဲကို အမြဲ စောင့်ကြည့်၊ Usability Testing တွေလုပ်၊ တခြား Department တွေနဲ့ Activity တွေလုပ်ပြီး Product တစ်ခု Market ထဲဝင်ရောက်ဖို့လုပ်ဆောင်နေချိန်မှာ Development Team တွေ ဘယ်လို Develop လုပ်နေတယ်၊ သူတို့ရဲ့အခက်အခဲက ဘာတွေလဲဆိုတာကို နားထောင် ဆုံးဖြတ်ပေးရတဲ့ Project Management ဘက်ကိုအာရုံရောက်နေရင် Product အတွက် Focus တွေပျောက်လာနိုင်ပါတယ်။

၂။ လိုအပ်တဲ့ Skill အပြည့်မရှိနိုင်ခြင်း

Product Manager အနေနဲ့ Project Manager တစ်ယောက်မှာရှိရမယ့် Skill တွေအားလုံး ရှိကောင်းချင်မှရှိနိုင်မှာပါ။ ဥပမာ Task တွေကို ခွဲရမယ်...မိမိ Development Team က Estimate လုပ်ဖို့ item တွေပြောနေချိန်မှာ မိမိ Background မဖြစ်တဲ့အတွက် ဝင်ရောက်မဆွေးနွေးနိုင်တာမျိုး၊ လိုအပ်တဲ့ အကူအညီ မြန်မြန်သွက်သွက် မပေးနိုင်တာမျိုး တွေဖြစ်နိုင်ပါတယ်။

၃။ Bottleneck ဖြစ်နိုင်ခြင်း

မိမိမှာ Product ကော၊ Project​ ကော တာဝန်ယူထားပြီး မိမိ Stakeholders တွေကလည်း Expectations အရမ်း မြင့်နေရင်၊ သေချာပြီ... မိမိ Bottleneck ထဲ ရောက်နေပါပြီ။ မိမိမှာ အကောင်းဆုံးမစွမ်းဆောင်နိုင်တော့ဘဲ နေရာတိုင်းမှာ လိုအပ်မှုတွေရှိနိုင်ပါတယ်။ မိမိကိုမှီခိုနေတဲ့ Team တွေကလည်း အဲ့အတွက်ကြောင့် အကောင်းဆုံး မလုပ်ဆောင်နိုင်ဖြစ်တတ်ပါတယ်။

အဲ့တော့ Role နှစ်ခုက တစ်ယောက်တည်း လုပ်ဆောင်နိုင်သလား...အပေါ်က ထောက်ပြထားတဲ့ Concern တွေ မရှိရင်တော့ သေချာပေါက်လုပ်နိုင်ပါလိမ့်မယ်။ များသောအားဖြင့် Company သေးရင် Product သမား၊ Project သမားရယ်လို့ မခွဲထားဘဲ တစ်ယောက်တည်း Run နိုင်ပါတယ်။ ဒါပေမယ့် Company ကြီးရင်၊ Product အပေါ် သေချာအာရုံစိုက်တဲ့ Company ဖြစ်ရင်၊ Product နဲ့ Project အပေါ်မှာ Expectations တွေ သေချာသတ်မှတ်ထားရင်တော့ ​Product Manager ရယ်၊ Project Manager ရယ်ဆိုပြီး Role နှစ်ခုရှိနေခြင်းက အောင်မြင်တဲ့ Product ဖြစ်ဖို့ ပိုမို focus ရနိုင်ပြီး Underperformance မဖြစ်စေဖို့လည်း တားဆီးနိုင်ပါလိမ့်မယ်။

----------

Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ နောက်ထပ် Post တွေမှာ product management နဲ့ ပတ်သက်တဲ့ ဘယ်လို topic တွေဖတ်ချင်လဲဆိုတာ ဒီ Google Form ကနေတဆင့် အကြံပေးနိုင်ပါတယ်။

ProductBaze အကြောင်း (၁) မိနစ်စာ မိတ်ဆက် post လေးကို ဒီ link မှာ ဖတ်နိုင်ပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။