Product Manager အမျိုးအစားများ

Product Manager (PM) လို့ပြောရင် အဓိပ္ပါယ်ဖွင့်ဆိုချက်များစွာရှိတာကို တွေ့ရပါလိမ့်မယ်။

အရိုးရှင်းဆုံးဖွင့်ဆိုရရင်တော့ Product Manager ဆိုတာ ကုမ္ပဏီတစ်ခုမှာ

၁။ Product ရဲ့ features တွေကို prioritize လုပ်ပေးရတဲ့သူ

၂။ Market ထဲမှာ ဆင်တူ (သို့) ရှိပြီးသား Product နဲ့ features တွေကို research လုပ်ပေးရတဲ့သူ

၃။ Stakeholders (ကုမ္ပဏီတွင်းနှင့် ပြင်ပ) တွေကြား communication လုပ်ပေးရတဲ့သူ

၄။ Stakeholders တွေကို Product နဲ့ဆိုင်တဲ့ အချက်အလက်တွေ ရှင်းလင်းတင်ပြပေးရတဲ့သူ ဖြစ်တယ်။

အဲဒီတာဝန်တွေအပြင် product ရဲ့ အောင်မြင်မှုအတွက် အလုံးစုံတာဝန်ယူရတဲ့သူတွေဆိုလည်း မမှားပါဘူး။

source: aha.io

Product Manager အမျိုးအစားတွေလို့ပြောရင် သူတို့နေ့စဥ် ထိတွေ့ဆက်ဆံရတဲ့ Stakeholder တွေနဲ့ ပတ်ဝန်းကျင်ပေါ်မူတည်ပြီး အမျိုးအစားခွဲခြားရင်သဘောပေါက်လွယ်ပါလိမ့်ယ်။

အကျဥ်းချုံးပြီး ၃ မျိုးခွဲနိုင်တယ်။

၁။ ကုမ္ပဏီတွင်း product များကိုင်တွယ်ရတဲ့ PM (Internal PM)

၂၊၊ Software as a service(SaaS) Product များကို ကိုင်တွယ်ရတဲ့ PM (B2B PM)

၃။ Consumer product များကိုင်တွယ်ရတဲ့ PM (B2C PM) တို့ဖြစ်တယ်။

၁။ Internal Product Manager

Internal PM ဆိုတာ ကုမ္ပဏီတွင်း နေ့စဥ်ကြုံတွေ့နေရတဲ့ ပြဿနာတွေဖြေရှင်းဖို့နဲ့ နေ့စဥ်လုပ်ဆောင်ရတဲ့လုပ်ငန်းတွေ တွင်ကျယ်ဖို့ platform တွေ tools တွေ develop လုပ်ပေးတဲ့ team ကိုဦး​​​​ဆောင်ရသူဆိုလည်း မမှားပါဘူး။ PM ရဲ့ တာဝန်အတိုင်း နေ့စဥ် communicate လုပ်ရတဲ့ Stakeholders တွေကတော့ ကုမ္ပဏီတွင်းဝန်ထမ်းတွေနဲ့ အထက်လူကြီးတွေဖြစ်တယ်။

ဥပမာအနေနဲ့ ကုမ္ပဏီရဲ့ operations ဝန်ထမ်းတွေ အသုံးပြုတဲ့ Admin Portal ကို develop လုပ်ပေးရတာမျိုးဖြစ်တယ်။

Internal User တွေကိုပဲ focus လုပ်ရတာဖြစ်တော့ ပြင်ပ consumers တွေအတွက် features develop လုပ်တာထပ် risk ယူရတာ ပိုနည်းတယ်။ Development team management ပိုင်းကို ပိုအာရုံစိုက်ရတဲ့အတွက် technology နဲ့ပတ်သက်တဲ့ အတွေ့အကြုံပိုရနိုင်တယ်။ Product management နယ်ပယ်ထဲ စဝင်တဲ့သူတွေအနေနဲ့ရော Project management ဘက်ကပြောင်းလာတဲ့သူတွေအတွက် အသင့်တော်ဆုံးလို့ ပြောနိုင်တယ်။

၂။ Business-to-Business Product Manager

Business-to-Business PM တွေက တခြားကုမ္ပဏီတွေရဲ့ business product တွေကို develop and deliver လုပ်ပေးရသူတွေဖြစ်တယ်။ Software as a service ရောင်းချနေတဲ့ကုမ္ပဏီ​တွေမှာ လုပ်ကိုင်နေတဲ့သူမျိုးတွေဖြစ်တယ်။ ဥပမာ Amazon Web Services လိုကုမ္ပဏီက Product Manager တွေဆိုရင် ကိုယ့်ကုမ္ပဏီက Service တွေကို အသုံးပြုနေတဲ့ တခြားကုမ္ပဏီတွေအတွက် Product Development လုပ်ပေးရတာမျိုးဖြစ်တယ်။

တခြားကုမ္ပဏီတွေရဲ့ လိုအပ်ချက်တွေကို အမြဲမပြတ်လေ့လာပြီး အသုံးတည့်မယ့် Product တွေ၊ Solutions တွေ၊ Features တွေကို develop and deliver လုပ်ပေးရတယ်။ ကိုယ့် Client ကုမ္ပဏီတွေရဲ့ လိုအပ်ချက်တွေပေါ်မူတည်ပြီး deliver လုပ်ရတာဖြစ်လို့ urgent tasks တွေများတာ၊ deadline ကျပ်တွေနဲ့ ကြုံတွေ့ရတာမျိုးတွေလည်း ရှိနိုင်ပါတယ်။ အတွေ့အကြုံရှိပြီးသား product managers တွေနဲ့ Industry အမျိုးမျိုးကို explore လုပ်ချင်သူတွေအတွက် B2B Product Management က အံအဝင်ဆုံးဖြစ်ပါလိမ့်မယ်။

၃။ Business-to-Consumer Product Manager

Business-to-Consumer PM အမျိုးအစားကတော့ Public မှာရှိတဲ့ ပြင်ပ Customer တွေရဲ့ အခက်အခဲတွေကို ဦးစားပေးဖြေရှင်းပေးရတဲ့သူတွေဖြစ်တယ်။ ဥပမာပြောရရင် Facebook လိုကုမ္ပဏီရဲ့ Product Manager တွေဖြစ်တယ်။ နေ့စဥ် consumer တွေရဲ့ သုံးစွဲမှုကိုအခြေခံပြီး ပိုကောင်းတဲ့ service တွေ user experience တွေရဖို့ develop and deliver လုပ်ပေးရသူတွေဖြစ်တယ်။

စိတ်ဝင်စားဖို့ကောင်းတဲ့အချက်က ကိုယ့် Product ကို သုံးစွဲတဲ့ user က ထောင်၊ သောင်း၊ သန်းနဲ့ချီတဲ့ user တွေဖြစ်နိုင်ပြီး၊ အဲဒီ user တွေနဲ့ အနီးကပ် လေ့လာစမ်းစစ် communication လုပ်၊ feedback တွေရယူပြီး ပိုမိုထိရောက်တဲ့ feature တွေ၊ service တွေကို develop လုပ်နိုင်တာဖြစ်တယ်။ အမျိုးအစား အုပ်စုမတူတဲ့ user အများကြီးကို target ထားရတဲ့အချိန်မှာ မသေချာမှုတွေ၊ risk တွေနဲ့ ကြုံတွေ့ရနိုင်ပြီး challenge အများဆုံး Product Management အမျိုးအစားလို့လဲ သတ်မှတ်လို့ရပါတယ်။

ဒါကတော့ Product Manager အမျိုးအစားတွေကို အဓိကထိတွေ့ဆက်ဆံရတဲ့ Stakeholders တွေပေါ်မူတည်ပြီး ပြောပြထားတာဖြစ်ပါတယ်။ တခြားမတူတဲ့ချဥ်းကပ်ပုံတွေနဲ့လဲ Product Manager အမျိုးအစားတွေကို သတ်မှတ်လို့ရကောင်းရပါလိမ့်မယ်။ ထပ်ဖြည့်လိုတာ၊ စိတ်ထဲတွေးမိတာရှိရင်လည်း အောက်က Comment ထဲမှာ ‌‌‌‌‌ဝေမျှပေးစေချင်ပါတယ်။

Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ နောက်ထပ် Post တွေမလာခင် product management နဲ့ ပတ်သက်တဲ့ ဘယ်လို topic တွေဖတ်ချင်လဲဆိုတာ ဒီ Google Form ကနေတဆင့် အကြံပေးနိုင်ပါတယ်။

ProductBaze အကြောင်း (၁) မိနစ်စာ မိတ်ဆက် post လေးကို ဒီ link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။

Follow us on Facebook and Linkedin for latest updates.