Feature Factory Product တွေ ဘာလို့မအောင်မြင်တာလဲ?

Product တစ်ခုကို Product Manager ကိုယ်တိုင် lead လုပ်, Product Team နဲ့ အသေအချာ အာရုံစိုက်ပြီး customers တွေအတွက် လိုအပ်မယ်ထင်တဲ့ features အသစ်တွေ develop လုပ်လာပေမယ့် ရေရှည်မှာ Feature Factory Product ဖြစ်မှန်းမသိ ဖြစ်လာတတ်ပါတယ်။ Feature Factory Product ဆိုတာ ဘယ်လိုမျိုးလဲ၊ Product Manager တစ်ယောက်အနေနဲ့ ကိုယ့် product က Feature Factory Product ဖြစ်နေရင် ဘယ်လိုသတိထားမိနိုင်မလဲနဲ့ ဘာလို့ အဲ့လို product မျိုးက ရေရှည်မှာ မအောင်မြင်နိုင်တာလဲဆိုတာ ဆွေးနွေးချင်ပါတယ်။

Feature Factory Product ဆိုတာ ဘာလဲ?

Feature Factory Product ဆိုတဲ့ အသုံးအနှုန်းက Product Management နဲ့ပတ်သက်တဲ့ article တွေ podcast တွေမှာတော့ မကြာမကြာကြားရတတ်ပါတယ်။ အဓိပ္ပါယ်က “Features တွေ တစ်ခုပြီးတစ်ခု ထုတ်လုပ်​နေတဲ့ စက်ရုံနဲ့တူတဲ့ Product” ကို ဆိုလိုတာပါ။ အသေးစိတ်ထပ်ရှင်းရရင် product တစ်ခုကို features တွေ ထည့်ဖို့ပဲ အာရုံစိုက်နေပြီး တကယ်တမ်း အဲ့ဒီ features တွေက ကိုယ့် end consumer တွေ လိုချင်ရဲ့လား၊ value-added ဖြစ်သွားရဲ့လား၊ business ရှုထောင့်ကနေရော အကျိုးအမြတ်ရှိသွားရဲ့လား စတာတွေကို အာရုံမစိုက်မိတဲ့ product ကိုရည်ညွှန်းပါတယ်။

Feature Factory Product ဖြစ်နေလားဆိုတာ ဘယ်လိုသတိထားမိနိုင်မလဲ?

Image source: John Culter, 12 Signs You’re Working in a Feature Factory

စက်ရုံမှာ အရေအတွက် ဘယ်နှစ်ခုထုတ်လဲဆိုတာကို အဓိကထားတိုင်းတာသလိုမျိုး ကိုယ့် company က product တစ်ခုမှာ quarterly (သို့) yearly plan ထားတဲ့အတိုင်း features ဘယ်နှစ်ခု deliver လုပ်လိုက်နိုင်တယ်ဆိုတာကို ဂုဏ်ယူတယ် အောင်ပွဲခံတယ်၊ ထပ်ထည့်လိုက်တဲ့ feature က ရည်ရွယ်ချက်အတိုင်း အကျိုးရှိသွားလာ၊ customer တွေရဲ့  problem ကို solve ဖြစ်သွားလားအထိ ဆက်ပြီးမတိုင်းတာဘူးဆိုရင်တော့ feature factory product လို့ဆိုနိုင်ပါတယ်။

တစ်နည်းအားဖြင့် deliver လုပ်လိုက်တဲ့ feature တွေရဲ့ ရလာမယ့် ရလဒ် (Outcome) ကို မကြည့်ပဲ အရေအတွက် (Output) ကိုပဲကြည့်နေမိခြင်း ဖြစ်ပါတယ်။ Product team အနေနဲ့လည်း နေ့စဥ် roadmap ထဲမှာရှိနေတာကိုပဲ တစ်ခုပြီးတစ်ခု develop လုပ်ဖို့ အာရုံစိုက်နေရပြီး customer တွေ ဘာလိုချင်လည်း၊ သူတို့ရဲ့ အခက်အခဲတွေကဘာတွေလည်းနဲ့ တကယ်သုံးမယ့် customer ဘက်မှာ ဘာအကျိုးရှိသွားမလဲဆိုတဲ့ Impact ကို သတိမထားမိတော့တဲ့အခြေအနေမျိုးပါ။

Product သမားတစ်ယောက်အနေနဲ့ အထက်လူကြီးဆီက

• “မင်းတို့ team ဒီလောက်ကောင်းတဲ့ feature ကြီး develop လိုက်နိုင်ပြီ.. အရမ်းတော်တယ်ကွာ” လို့ အသိအမှတ်ပြုတာမျိုး ကြားလေ့ရှိပြီး
• “မင်းတို့ deliver လုပ်လိုက်တဲ့ feature ကြောင့် customer တွေ ဘယ်လောက်အဆင်ပြေသွားတယ်၊ daily active users တွေ ဘယ်လောက်များလာတယ်၊ ဘယ်လောက် transactions တွေ တက်လာတယ်.. ဘယ်လောက်ရာခိုင်နှုန်းထိအောင်မြင်တယ်” ဆိုတာမျိုး ကြားလေ့မရှိရင်တော့

Outcome ထပ် Output ကို ပိုအလေးထားတယ်ဆိုတဲ့ အဓိပ္ပါယ်ပါပဲ
သိလိုက်ပါ... သင်လည်း feature factory ထဲ ရောက်နေပါပြီ

ရေရှည်မှာ ဘာလို့ feature factory product က မအောင်မြင်နိုင်တာလဲ?

ရှင်းပါတယ်။ Product တစ်ခုအောင်မြင်မှုက ဘယ်လောက်ရေပန်းစားတဲ့ features တွေပါလဲ၊ technical အရ ဘယ်လောက်ခက်ခဲတဲ့ features တွေပါလဲနဲ့မဆိုင်ပဲ၊ ဒီ product က customer အနေနဲ့ ဘာတွေအသုံးဝင်ပြီး သူတို့ရဲ့ဘယ်လိုပြဿနာတွေကို ဖြေရှင်းပေးနိုင်လဲဆိုတာပေါ် မူတည်တာပါ။ ဒါ့ကြောင့် ကိုယ့် end consumer တွေ လိုချင်ရဲ့လား၊ value-added ဖြစ်သွားရဲ့လား၊ business ရှုထောင့်ကနေရော အကျိုးအမြတ်ရှိသွားရဲ့လားဆိုတဲ့ တိုင်းတာမှုတွေမရှိပဲ market ထဲမှာ ရေပန်းစားတဲ့ features အသစ်အသစ်တွေ ထပ်ထည့်ပေးနေရင် product က ရေရှည်မှာ ရှုပ်ပွ၊ identity ပျောက်ပြီး၊ ဒီ product ကို ဘာလို့ဆက်သုံးမှာလဲဆိုတဲ့ မေးခွန်းဆီ ဦးတည်သွားပါလိမ့်မယ်။ ရွေးစရာများလှတဲ့ ဒီနေ့ခေတ်မှာ ရှုပ်ရှက်ခက်နေပြီး ဘာ value ပေးချင်မှန်းမသိတဲ့ product တစ်ခုက market ထဲမှာ နေရာယူဖို့ မလွယ်လှပါဘူး။

Deliver လုပ်ပြီးတဲ့ features တွေကို analysis မလုပ်ဖူး၊ အောင်မြင်လား တိုင်းတာတဲ့ metrics တွေမရှိဖူး၊ ထင်သလောက် အသုံးမဝင်ခဲ့ရင် improve ဘယ်လိုလုပ်မှာလဲ၊ ပြန်ဖြုတ်မှာလား စတဲ့ Plan B မရှိဘူးဆိုရင် developers တွေရဲ့ အချိန်တွေအများကြီးရင်းနှီးပြီး develop လုပ်လာတဲ့ features အသစ်တွေက product မှာ value-added ဖြစ်ဖို့ထပ် အနှုတ်လက္ခဏာဆီပဲ ဦးတည်သွားပါလိမ့်မယ်။

ကောင်းပြီ... Feature Factory Product က ရေရှည်မှာ မအောင်မြင်နိုင်ဘူးဆိုရင် အဲ့လို product မဖြစ်အောင်က ဘယ်လိုလုပ်ရမလဲ? အဓိကကတော့ product မှာ feature အသစ်ထည့်ဖို့ပဲ အာရုံထားတဲ့ mindset ကို ပြောင်းဖို့ပါ။ Feature တစ်ခုထည့်ဖို့ ဆုံးဖြတ်တဲ့နေရာမှာ ဘာလို့လဲ (Why?) တွေ မေးဖို့၊ သေချာ plan ချဖို့၊ deliver လုပ်ပြီးရင်လည်း ဘယ်လိုရလဒ်ရှိလည်း စောင့်ကြည့်ပြီး ပိုကောင်းအောင် ပြင်ဆင်ဖို့တွေ လိုပါလိမ့်မယ်။

Feature Factory Product မဖြစ်အောင် ဘယ်လိုလုပ်သင့်တဲ့ဆိုတဲ့ အသေးစိတ် step by step ကိုတော့ နောက် article တစ်ခုမှာ ဆက်လက်ဆွေးနွေးသွားပါမယ်။ Feature Factory Product နဲ့ ပတ်သက်တဲ့ ကိုယ့်အတွေ့အကြုံတွေ၊ တွေးမိတာတွေကို အောက်က Comment ထဲမှာ ‌‌‌‌‌ဝေမျှပေးစေချင်ပါတယ်။ Product သမားအချင်းချင်း idea တွေ၊ knowledge နဲ့ experience တွေ share ဖို့ နွေးနွေးထွေးထွေးဖိတ်ခေါ်ပါတယ်။ နောက်ထပ် Post တွေမှာ product management နဲ့ ပတ်သက်တဲ့ ဘယ်လို topic တွေဖတ်ချင်လဲဆိုတာ ဒီ Google Form ကနေတဆင့် အကြံပေးနိုင်ပါတယ်။

ProductBaze အကြောင်း (၁) မိနစ်စာ မိတ်ဆက် post လေးကို ဒီ link မှာ ဖတ်လို့ရပါတယ်။ ProductBaze ကို ဆက်သွယ်ချင်ရင် productbaze@gmail.com သို့ ပေးပို့ ဆက်သွယ်နိုင်ပါတယ်။